Author Archives: Elfa Birkisdóttir

Á föstudaginn 13. janúar munu nemendur fara með námsmat fyrri annar skólaársins 2016-2017 heim. Á þriðjudaginn 17. verður síðan foreldradagur þar sem nemendur og foreldrar koma í viðtal í skólann við umsjónarkennarateymi hvers stigs. Þann daginn er ekki skóli og ekki frístundarskóli. Foreldarar eru hvattir til að yfirfara námsmat með nemendum fyrir viðtal.

Ef foreldrar hafa sérstakar óskir um viðtalstíma er möguleiki að óska eftir því fram að fimmtudag. Foreldrar eru beðnir um að hafa samband við umsjónakennara vegna viðtalsóska.

Námsmati er þannig háttað:

Nemendur á yngsta stigi (1-4. bekkur) fá leiðbeinandi umsagnir um námslega stöðu.

Nemendur á miðstigi (5-7. bekkur) fá námsmat í bókstafakerfi.

Nemendur á unglingastigi (8-10. bekkur) fá námsmat í bókstafakerfi.

Bókstafakerfið byggir á 6 bókstöfum sem lýsa stöðu nemanda í þeirri námsgrein seum um ræðir. A, B+, B, C+, C og D. Ef nemenandi hefur einstaklingsnámskrá er einkunn í bókstaf  stjörnu­merkt­. Viðmið námsgreina hefur hver kennari útbúið og kynnt nemendum í upphafi annar.

Einkunnaskali:

A Framúrskarandi hæfni, yfirburða kunnátta, nær ríflega öllum viðmiðum.

B + Stendur sig mjög vel, nær ríflega öllum viðmiðunum

B Stendur sig vel, nær öllum viðmiðunum

C + Stendur sig vel, nær nánast öllum viðmiðunum

C Stendur sig en nær ekki öllum viðmiðunum

D Stendur sig en nær ekki viðmiðunum, er með einstaklingsnámskrá

Kæru mæður, ömmur, frænkur og systur barna í leik og grunnskóla Bláskógaskóla Laugarvatni!

Í tilefni af konudegi nk. sunnudag langar okkur að bjóða ykkur að koma og snæða með okkur morgunmat föstudaginn 19. febrúar á milli 8:00 og 9:00!

Hlökkum til að sjá ykkur!

Starfsfólk Bláskógaskóla Laugarvatni sendir hlýjar jóla og áramótakveðjur. Þökkum gott samstarf á árinu sem er að líða og hlökkum til að takast á við ný verkefni á nýju ári.

Fyrir hönd starfsmanna,

Elfa, skólastjóri.

Föstudaginn 18. desember hefst jólafrí nemenda í grunnskóla. Skólastarf grunnskóladeildar hefst samkvæmt stundaskrá þriðjudaginn 5. janúar.

Leikskólinn er opinn eins og áður, fyrir og eftir hátíðirnar, en lokaður á Þorláksmessu, aðfangadag og  gamlársdag.

Starfsdagur verður mánudaginn 4. janúar hjá öllum starfmönnum leik- og grunnskóla.

Þemadagar    

Þemadagar eru hjá okkur í Bláskógaskóla á Laugarvatni vikuna 16-20. nóvember. Þar verður uppbrot á kennslu og elstu árgangarnir verða hjá okkur á Laugarvatni alla vikuna í þemavinnu. Unnið hefur verið úr vali nemenda á eftirsóknarverðum verkefnum og kennarar skipta sér á hvert þema.

Í grunnskólanum byrjum við mánudaginn 16. nóv sem er Dagur íslenskrar tungu og munum við byrja þemavikuna á því að hvetja börnin til að mæta með sína uppáhaldsbók og verður gefinn góð stund til yndislesturs. Við munum fara á Sal í framhaldinu og þar gefst nemendum tækifæri til að kynna sína uppáhalds bók og rithöfund. Við munum líka horfa saman á íslenska mynd sem er vandlega valin af kennurum hverrar deildar  Til að ljúka deginum verða áhugaverð íslenskuverkefni  unnin í útikennslu.

Þessa vikuna verður skóli frá 8:15-14:00 alla dagana nema á föstudag en þá lýkur skóla á hefðbundnum tíma.

Í leikskólanum eru börnin hvött til að mæta með bók í leikskólann á mánudeginum á Degi íslenskrar tungu. Á þriðjudeginum verður þemað Vasaljós og skuggaleikhús, á miðvikudeginum verður þemað Vatn og vísindi og síðan á fimmtudeginum verður þemað Í leikskóla er gaman þar leika allir saman, og verður þá flæði í milli herbergja í leikskólanum.

Athugið að frístundaskóli tekur við eftir skóladaginn.

Á föstudeginum 20. nóv verður uppskeruhátíð þemadaga og er opið hús fyrir alla til að skoða afrakstur þemavikunnar. Væri gaman að sjá sem flesta koma og líta við frá klukkan 10-12.